「聖公會氹仔青年服務隊」-疫情期間子女成日打機點算好? 主頁 最新消息 近排疫情期間仔女唔洗翻學, 成日喺屋企好頭痕? 唔洗驚, 等小編透過懶人包嘅方式, 教你認識仔女做咩咁鍾意打機 啱啱講到, 子女喺成長階段其實有好多需要喺要被滿足, 當佢哋喺生活上滿足唔到, 而遊戲正正能夠彌補到生活上嘅缺失, 青少年就好容易比遊戲吸引住. 所以教吓大家應對5步曲, 透過呢5個步驟, 逐步去明白同理解仔女打機背後嘅原因, 然後透過有效嘅溝通, 協議, 嚟改善仔女沉迷打機嘅情況. 同理心. 同理心並唔喺咩高深莫測嘅技巧, 每個人天生都具備理解他人心情嘅能力, 只喺我地好少運用. 所以, 只要你肯嘗試, 你都可以運用同理心. 快啲睇下點樣速成同理心喇! 父母見到仔女做得唔好, 覺得好激氣,好失望, 最後無可奈何下話咗個仔女, 相信作為父母嘅你, 其實都喺希望仔女明白你, 佢地能夠長大成人. 只不過責駡嘅方式未必次次有效, 甚麽有損你同仔女之間嘅關係. 所以, 今期小篇就提供一個方法比大家, 佢叫 「I MESSAGE」. 用佢就可以有技巧咁表達自己對仔女嘅期望, 而減少令到雙方關係緊張. 各位家長不妨試下. 成日同仔女因為拗可以打幾耐機而拗到面紅耳赤? 今次會教大家點樣同仔女傾條件. 可能你會話, 吓?! 乜同仔女都要講條件? 佢細個嗰陣平時都喺我話點就點, 同佢講條件會唔會令到個仔女冇大冇細㗎?其實父母唔洗太過擔心, 因為青少年喺成長階段需要由「被照顧」逐漸慢慢發展成「獨立自主」, 而喺呢個過程青少年會對自己嘅渴望有強烈嘅追求,並且嘗試堅持自己來展示獨立, 如果父母只懂得阻止以及切斷青少年所追求嘅嘢, 只會適得其反, 所以同仔女傾條件變得非常重要同埋必要. 因為喺「傾條件」嘅呢個過程, 可以令仔女明白到喺可以同父母溝通同埋交換想法, 讓佢地感受到被尊重同埋被明白, 咁樣仔女喺呢個過程都學習到同人相處嗰陣, 唔喺淨喺自己想點就點, 而喺要互相理解和協調. 咁樣教出嚟嘅仔女, 自然情商都高啲, 唔會咁難同人相處; 你同佢嘅關係亦會好啲. 最後一樣同大家分享點樣同子女分配時間, 家長如果能夠因應小朋友嘅需要而幫助佢合理地分配時間,並且同佢進行協議, 將能夠幫助到小朋友學識點樣規劃同埋運用佢地嘅時間. 咁就唔洗再太過擔心佢地淨喺將所有時間都擺曬喺打機上面喇!
